الجمعة، 27 أبريل 2012

ضحكة

ضحكه م القلب تطلع
نفسي اضحكها تسمع
تاخد مني حنيني
والفرحه فيها ترجع

نفسي اشتاق واجرب
ولحضن حبيبي اهرب
نفسي ارتاح من خوفي
وارجع بعدها واتعب

نفسي اغير موال حزني
والاقي حد من نفسي ياخدني
ياحنين جوايا وملكش صوت
امتي هتطلع بقي وتسبني

نفسي اصرخ فيكي يادنيا
عايزه اغني غنوه تانيه
تكون فرايحي وتداوي جرحي
اعيش معاها كاني ف الجنه

وساعتها هاقولك ....

ياسلام علي الدنيا لما بتتبسم
ترقصلي كده بمبي وتقسم
وانا قلبي زي الريشه يطير 

  تلاقيه فرحان وكمان مستسلم
رانيا الجبالي

الخميس، 26 أبريل 2012

قالوا سكت

قالو سكت وقد خوصمت
 قلت لهم إن الجواب لباب الشر مفــتاح
  والصمت عن جاهل أو أحمق شرف
 وفيه أيضا لصون العرض إصلاح
  أما ترى الأسد تخشى وهي صامتة
والكلب يخسي لعمري وهو نباح 


عصفور طل من الشباك


عصفور طل من الشباك
قاللي يا نونو
خبيني عندك خبيني
دخلك يا نونو
قلت له انت من وين
قاللي من حدود السما
قلت له جاي من وين
قاللي من عند الجيران
قلت له خايف من مين
قاللي م القفص هربان
قلت له ريشاتك وين
قاللي فرفطها الزمان
نزلت ع خده دمعة
 و جناحاته متكية
اتهدي بالأرض و قال
 بدي أمشي و ما فيا
ضميته ع قلبي و صار يتوجع
 علي جروحاته
قبل ما يكسر الحبس 
كسر صوته و جناحاته
قلت له لا تخاف اتطلع 
شوف الشمس اللي راح تطلع
و اتطلع ع الغاب
 و شاف أمواج الحرية بتلمع
شاف جوانح عم بتزقزق
 من خلف ابواب العلية
شاف الغابة عم بتحلق علي جوانح الحرية

الاثنين، 23 أبريل 2012

أميرة

ايوه حاسه اني انا أميره
وفيه دايما ساحره شريره
لما بضحك عاوزاني ابكي
ولما بهدي عاوزاني في حيره

وهفضل اتعب في حياتي واعافر
وهخلي جوايا كل حنيني
وهقول لليأس يلا سافر
وقول للحزن معدتش يجيني

وهخلي الامل يزور حبايبي
وارسم بايديه ليهم ضحكه
وهقرب كل الناس من قلبي
وهخلي الفجر يشق السكه

وهيجي حبيبي علي حصانه
وياخد بايديه ويقولي بحبك
وارمي نفسي جوه احضانه
 
والاقيه بيقولي حياتي جنبك
رانيا الجبالي

الخميس، 12 أبريل 2012

نـــــــــــاس


في ناس تلاقيها
بتتمني انك تسامحها
وبتبقي صعبان عليها
وبيبان في ملامحها

وانت ساكت وجرحك ناطق 

  والناس تلاقيها بتبص عليك
وحاسس انك عندهم مش فارق
وايديهم مش قادره تاخد بايديك

واللي انت بتآسي من جرحهم
لو حسوا باللي ساكن فيك
هيدعوا معاك علي نفسهم
ويتمنوا حقك يرجع ليك

رانيا الجبالي  

الجمعة، 6 أبريل 2012

ياحبيب من لا حبيب له

يارب في يوم بتتفتح فيه كل الأبواب

وبتنادينا فيه تعالوا نمحي العذاب

انا ضعفي يمكن يكون ماليني

وساعات بتوه من غير اسباب

لكن بقوي ف سجدة ليك تقويني

وتخليني انسي اي احساس كداب

وبشوف ملايكه جنبي وبتواسيني

افرح تزيد فرحي وتطيرني للسحاب

ابكي تشيل اي دمع من عيني

وتاخد بايدي وتفكرني بيوم الحساب

يلا عيشي بالحب واعيش واتاريني

كل ما اغلط بيمحو غلطي من الكتاب

يارب انا عبدك وطول سنيني

بدعيك وظني فيك عمره ماخاب

وازاي يخيب وانت اللي اويني

ومهما ابعد بتصبر عليه بدون حساب

ياااااااااااااااااارب .....
رانيا الجبالي