الثلاثاء، 21 فبراير 2012

النهاية



النهايه هتكون في تابوت

شايلنه ناس بتبكي عليك

يبقي ليه تعيش جبروت

وتخسر حب الناس بايديك

بعد الحياة مصيرنا الموت

وفي الحياه املها فيك

متسمعش غير للحق صوت

واحلم بالخير لناس حواليك

متقبلش ابدا بذل وسكوت

واحلم برضا ربنا عليك

هقولها كلمه لحد ما اموت

يارب بحب عبيدك فيك

اجعلني صوت لحلم مكبوت

اجعلني رحمه تقربني ليك

دفا ليتيم جنب الطريق مسنود

وابتسامه لحزين بيبكي ويديعيك

اكون نور ف طريق مسدود

ينور لغيره بالمه وبامله فيك

يارب احلامي ملهاش حدود

وهحققها برحمتك وبحبي ليك

عشان يوم رجوعي ف تابوت

الاقي ناس كتير زفاني فيه

رايحه للجنه فرحانه بالموت

مش خايفه وشايفه نورك ماليه


رانيا الجبالي 


ليست هناك تعليقات:

إرسال تعليق