بس عشته

انا عمري ما حبيت اليأس بس عشته
وعمري ما حسيت الفرح ولا دقته
انا الاسير اللي جواه حر ساكت
احلامه يأست منه ومن صمته

يمكن اكون بصفي بكلمه قريبه
او حتي نظره خارجه بحنيه
ده يمكن انسي احزاني بطبطه
خارجه من قلب يكون خايف عليه

انا اللي قلبي عايش توهانه
محتار بيدق ولا نبضه مات
انا ف مكان مش عارف عنوانه
ومش لاقي حل ويا السكات

كمان بقيت الاقي الكلام ساكت
قولته او لا مبقاش فيه تغيير
حتي روحي جوايا حساها شابت
بعد ماكنت بحلم ف يوم أطير

ياجرح جوه قلبي شايفاك متبت
قولي علي دواك وسبني اعيش
او خلص عليه ويبقي اسمي ميت
ماهي كده كده الحياه عندي متساويش 

رانيا الجبالي