ازاي

 

وازاي تشتكي من الحزن 
 لو حامل هموم الناس
هو فيه اجمل من قلب يحن
كله خير مليان احساس

ازاي عايز تكون شمعه
... تنور لغيرها وهي مطفيه
ماهي كده تنور بدمعه
علي جوانبها وتموت بحنيه

لو احساسك بغيرك بيكبر
والحزن جواك بقي أكبر
افتكر ان الشر بيقل
كل ما الخير جذوره تكتر

اللي بيموت عشان غيره
بيفضل عايش جوه القلوب
واللي عايش وباع ضميره
بيبقي خيال باسم مكتوب

خليك زي الشمعه وهي بتتحرق
بتموت عشان غيرها يشوف سكته
ايد دايما تنجي غيرها من الغرق
صوت حر يموت لو اخدوا حريته

                                                                             رانيا الجبالي