الاثنين، 7 نوفمبر 2011

أوقااااات

مش أوقات
تلاقي نفسك
مبتكلمش حتي نفسك
وعايش في سكااات
عمال تدور ف اللي فات
واللي بتدور عليه ناسيك
وانت فاكره طول الساعات

العيب مش فيه ولا عليه
العيب علي اللي بيفكر فيه
ايوه فيك وفي قلبك
انت ناسي انك أغلي منه
انت ناسي نفسك ولا ايه

الورده بتفضل ورده لما نرويها
وشوكها اللي بنكرهه هو اللي حاميها
والقسوه لو بتكرهها
أوقات بتخلي صاحبها يقوي بيها

مش هعاتبك علي ضعفك
بس صدقني اللي يحبك
يحب دايما يشوفك غالي
ويشوف الفرحه خارجه من قلبك
رانيا الجبالي

ليست هناك تعليقات:

إرسال تعليق