اللقا نصيب

اللقا نصيب والفراق كمان نصيب
ومفيش أجمل من لقا أغلي حبيب
لما ربي قالي صلي عليه وسلمي
النهارده هتحسيه منك قريب

يارب صلي وسلم وبارك عليه

يارب ف الجنه اجمعني بيه
واكون معاه وابلغه شوقي ليه
يارب يوم الحشر اشرب من ايديه

برحمتك وحكمتك وقدرتك ترضي عنا
ويتسامحنا كتير عشان هو منا
ده الحبيب اللي مش هيقول نفسي
غير وهو واخد امته معاه علي الجنه

يارب بين اخلاقه ف اعمالي
وذكره دايما يكون ف بالي
وكل كلامه ينور طريقي
يارب مال الدنيا ومالي

اللقا نصيب والفراق كمان نصيب
ومفيش أجمل من لقا أغلي حبيب
لما ربي قالي صلي عليه وسلمي
النهارده هتحسيه منك قريب

اللهم صلي وسلم وبارك علي سيدنا محمد

رانيا الجبالي

بينى وبين الناس

بيني وبين الناس ف دنيتك أحوال 

وانت اللي عالم بضعفي ياذا الجلال والكمال 

خليني عبدك لوحدك 

لا عبد جاه ولا مال 

واحميني م الحقد من نفسي 

من قالوا وقلنا وقال 

ياااااااااااااااااااااارب سبحانك سبحانك يااااااااارب   

مشهد له معني

مشهد له معني

زهق من النت ومن الشغل
مفيش غير افلام فاتن حمامه بقي
سمعت شوية من فيلمي المفضل الباب المفتوح علي مكتوب وللاسف لقيته مش كامل بقلب لقيت فيلم الشموع السوداء طبعا حبيب قلبي صالح سليم ده شخصية الراجل في عقلي ..بصرف النظر عن اتقانه للتمثيل
كلمة فؤاد المهندس لصالح سليم لما حاول يهدم حبه بايده وكان تبرير صالح سليم أنه لازم يضحي ومش هيقبل يعيش تاني وحد يعطف عليه
رد فؤاد المهندس قاله " وحياة ربنا ياشيخ تكلمني عربي "
وقتها انا اتقسمت اتنين ياتري مع كلمة فؤاد المهندس

ولا موقف صالح سليم
الحب هو انك تضحي حتي لو الحب ده من الطرفين بس المفروض انك لما تحب تحب الخير للي بتحبه تحبه يكون مبسوط حتي لو مع غيرك
بعد الفيلم لقيتني بقول حتي لو حب من طرف واحد تفتكر فيه حد يبقي مبسوط لو حبيبه مع غيره ؟
ووصلت ف النهاية ان فيه ناس بتحبك وزعلانه علي انك مش بتبادلها نفس الشعور
انت تحب ومتتحبش او تتحب ومتحبش او تتحب وتحب بس النصيب ميحبش ف النهاية وصلت لان الانسان يحب كل الناس بس ميفكرش يفتح قلبه لحد عشان ميتعذبش ووصلت إنك تعامل الناس عادي ببرود ومتأمنش لحد بسرعه لا متأمنش لحد خالص
بس اكتشفت ان ده غباء
ببساطه جدا اعمل اللي عليك المهم انك متعملش حاجه تغضب ربنا ولو حبيت وحبك مكملش ده مش حرام ولا عيب دي تجربه استفدت منها والاهم نيتك وقتها كانت ايه

ادي للناس الأمان ولو خانوك هتحس اد ايه انت مميز لان العيب فيهم هم
عيش بقلب مفتوح ولو اتجرحت افرح جدا انت عندك قلب طيب
لو حسيت الدنيا ضيقة وخنقة وفيها ابتلاءات قوم صلي وقو الحمد لله انا مبسوط بإختياري وهتحمل البلاء
وافتكر وقتها حديث الرسول صلي الله عليه وسلم إن الدنيا سجن المؤمنين "

رانيا الجبالي

جيفارا مات :(

والله ما طلعت شمس ولا غربت

والله ما طلعت شمسٌ ولا غربت إلا و حبّـك مقـرون بأنفاسـي

ولا خلوتُ إلى قوم أحدّثهــم إلا و أنت حديثي بين جلاســي

ولا ذكرتك محزوناً و لا فَرِحا إلا و أنت بقلبي بين وسواســـي

ولا هممت بشرب الماء من عطش إلا رَأَيْتُ خيالاً منك في الكـــأس

ولو قدرتُ على الإتيان جئتـُكم سعياً على الوجه أو مشياً على الرأس

مـــــشـــاعـــــر مــــفــــقــــودة

بكاء لا ينقطع ولكن بكائها من نوع آخر لم اشهده كثير فهو أقرب للإنهيار او الإحساس بالضياع سنها الصغير وحجمها ايضا الصغير يجعلك تشفق عليها حتي لو كانت هي المخطئة اقتربت كثيرا منها لأعرف سبب بكائها ولكنها لم تقدر علي الكلام فقط كأنها وجدت ملجأ

لها فارتمت بين يدي وانخرطت اكثر في البكاء اعرفها جيدا فهي طفله فقدت أبيها كان دائما بعيدا عنها رسمت لها والدتها صوره جميله عنه وهو كان كذلك ولكن ظروف المعيشه دفعته للعمل بالخارج ليس ذنبه البعد ولا ذنبها تحمل البعد ولكن والدها توفي منذ سنه تقريبا هل تذكرته هل تذكرت رجوعه إليها في صندوق خشبي هل تشعر هذه الطفله بابيها الذي رحل عنها حتي دون ان تودعه دون ان تقبله دون ان تحدثه رحل دون شئ بعد فتره ليست بالقصيره سكتت لأشعر فيها بملامح اليتم لتاتي صديقتها واسالها ماذا حدث ؟ لتجيب لم تعرفها مدرسه اتت لنا جديده وسبتها بأبيها وانه غير قادر علي تربيتها صدمت كثيرا من المدرسه فهل يعقل أن تعطي دروسا وهي فاقده القدره علي التعامل قطعت زميلتها تفكيري وقالت لسه جديده متعرفش انها .... اشرت لزميلتها بالسكوت ونظرت الي طفلتي الباكيه " حبيبتي اراكي دائما مثال لكل القيم الجميله في المدرسه فقط عندما تذهبي الي البيت قبلي يد والدتك وقولي لها أشكرك لانك امي وانسي كل ما قيل لك من مدرستك فانا ساتحدث معها وقبلتها واعطيتها كيس حلوي لا يتجاوز ثمنه الخمسين قرش فرحت كثيرا وابتسمت وتحول البكاء الي ضحكه بريئه كم احببتها
حزنت كثيرا ليس علي البنت فقط ولكن علي المدرسه الجديده التي لاتعلم شئ عن الطلاب ولا تعلم شئ عن الرحمه رأيتها ممسكه بطفلها الصغير تحضنه تقبله تمسح علي رأسه وسالت نفسي كيف يكون لفاقد الشئ أن يعطيه ؟!
ذهبت إليها وسألتها عن ماحدث وصدمت اكثر من رد الفعل فكان فقط لم اعرف انها يتيمه ؟!
فسألتها عن طفلها هل هو يتيم الاب ؟
فأجابت بخوف : لا
فقلت لها تذكري ذلك الموقف سياتي اليوم الذي يشعر فيه أنه وحيد وسيبكي بقهر مثلما بكت هذه الطفله .
هي لم تعير للموضوع اي اهتمام ولكني فكرت كثيرا فيما يحدث من معاملتنا لغيرنا إلي متي سنظل نفتقد قيمة الإحساس بالآخر
الطفله فقط اعطيتها قطعه حلوي فرحت وازالت دموعها واحبت الدنيا وعاد لها احساسها بالأمان
وعلمت فقط وقتها معني حديث الرسول صلي الله عليه وسلم الكلمة الطيبة صدقة وتمعنت أيضا في قوله تبسمك في وجه أخيك صدقه " صدق رسول الله صلي الله عليه وسلم
فقط قبل ان تلقوا سهام كلماتكم تيقنوا تماما ان كما تدين تداااان

رانيا الجبالي

مشاعر رضا

ايوه الدنيا مش شيلاني
والفرح اصلا مش سيعاني
جالي احساس بالرضا والحب
وكلي يقين ان ربي مش هينساني

ياشايل حمل تقيل وحزين
ما تحاول تضحك كده وتجرب
ادعي لنفسك وقول أمين
من جرحك حاول تهرب

ارفع ايدك للسما ونادي يارب

ابكي اوي وخرج بدموعك خنقتك
اسجد وطلع كل اللي ف القلب
ومترفعش راسك الا لو السجده ريحتك 

رانيا الجبالي 

رسالة

هناك اناس لا أطلب منهم شئ سوي أن يكفوا عن أخذ الكلام لهم وأن يبعدوا عن طريقي فأنا اغضب من نفسي كلما تذكرتهم واغضب اكثر عندما يحللون كلامي علي طريقتهم الانانيه التي لا اعرف طريق لها 

فقط اصمتوا وارحلوا للأبد فما كان الله اعلم به وما سيأتي مكتوب عند الله لا تحللوا الكلام من وقت لأخر لتجعلوا غيركم يشعر بذنب ليس له ذنب فيه  فقط لا اريد أن اكون في حديثكم من الآن اذا كنت أخطأت ففي حق نفسي أولا 

   احتفظت كثيرا بأحاديثكم كم أحببتها لفتره ولكنها الآن لم تعد ف عقلي او حتي علي الكمبيوتر ولم أعد احمل اي شئ بداخلي يربطني بكم
فقط احتفظوا بحديثكم في شئ أفضل وارحلوا حتي بحديثكم 

لو فهمتم تماما كلمتي لم يعد كثيرون يحملون شرف الكلمه لخرستم   ..

يمكن

احب بيك واكره واتوه
اسيب قلوب واحضن أماني
اعيش معاهم وافارق وجوه
وارسم ضحكه كدابه يازماني

ياقلبي ما تيجي تبقي معايا

وتطاوع عقلي وتسيب جرحك
تعالي وانسي كل الحكاية
تعالي ما يمكن تقابل فرحك

رانيا الجبالي

حنان ماضي ــ أحمد الحجار ــ أغنية عود

ناااااااااااااس

في ناس تلاقيها
بتتمني انك تسامحها
وبتبقي صعبان عليها
وبيبان في ملامحها

وانت ساكت وجرحك ناطق
والناس تلاقيها بتبص عليك
وحاسس انك عندهم مش فارق
وايديهم مش قادره تاخد بايديك

واللي انت بتآسي من جرحهم
لو حسوا باللي ساكن فيك
هيدعوا معاك علي نفسهم
ويتمنوا حقك يرجع ليك

وفي ناس بتحب تبرر حاجات ف دماغها هي بس بتحب تنسي وتجيب اللوم علي غيرها عايشه حياتها بحريه بتحب تقضي وقت ما بين سطور هنا وهناك للاسف العيب مش فيهم العيب ف الفهم البطئ العيب ف انك تدي الأمان لاي خوااان ف انك تفضح خصوصية انسان وتنسي ان الكلمه سيف وشرف ولكن عذرا فكم بيننا من افتقد شرف الكلمه

رانيا الجبالي   

وفضلت ...

وفضلت تضحك وتضحك بهستريا
ومحدش قدر يوقفها ولا يفوقها
مالك امسكي نفسك شويه
والناس بتخبط كف بكف فين أخلاقها

شالوا ايديها من علي وشها وشافوا
بعدوا عنها ووشوشهم كانت بتسأل
م القهره الللي شافوها بوشها خافوا
اضحكي قوي الضحكه كانت اجمل

جيت اضحك علي الزمان ضحكني
ضحكني اوي علي نفسي ووراني
ازاي اضحك لحد حتي لو جرحني
  ازاي اموت روحي وهي سكناني

رانيا الجبالي  

من مشاعر حبيبة ( المثالية )

من مشاعر حبيبة ( المثالية )


بنظرة انكسار مشوبه بالألم تقول" لازم أضحي صعب أشوفك ادامي مش سعيد "
يقبل دموعها بهدوء " ازاي بس تقولي كده أنا بكون مبسوط لما بشوف ابتسامتك "
وهي تؤكد " وانا كمان بكون مرتاحه لما بحسك مرتاح بس لازم تتجوز

"
بدهشة غير مصطنعه " اتجوز أمال انتي ايه انتي كل ..."
مقاطعة بعصبية " انا لو كل حياتك دلوقتي لما تكبر هتحتاج حد يعينك "
مشهد دائما ما يتكرر علي شاشة التلفزيون يتناوله الكتاب كثيرا في رواياتهم وقصصهم علي انها تضحية وإنكار للذات ولكنها دائما ما تراه موقف طبيعي
الطبيعي هنا الذي تراه حبيبه هو تضحية الرجل وحياته مع إمرأة يحبها ولكنها لاتنجب دائما ما تتسائل عن سر ارتباط الزواج بالإنجاب لاتقصد اطلاقا انهما علاقتان منفصلتانولكنهم علي الاقل مختلفتان بعض الشئ .
وتتسائل هل اذا احبت حسام بصدق وتجاوب مع حبها وبعدها قررا الإرتباط ؟ سوف تبني حياتها معه علي أساسوجود اطفال فقط هل ستستحيل الحياة اذا لم يتم الإنجاب ؟
هل ستندم أنها لو لم ترتبط به ومن ثم سيقل الحب ؟
الحب اعظم من الزواج ومن الإنجاب لذلك لا يقل اذا لم يتوفر الشرطان الزواج او الإنجاب
المرأة في قاموس حبيبه حينما تحب تعطي كل شئ وليس المقصود بكل شئ هو أن تخسر نفسها فهي لن تخسر نفسها اذا تحولت من فتاة إلي إمرأه بدون عقد ولكنها ستخسر نفسها اذا وثقت في شخص وأعطت الأمان له واصبحت مسئولة منه ثم تخلي عنها الخسارة ليست سوي تحويلها من انسانه فطرية بريئة إلي إنسانه شكاكة تاخذ الحذر من كل شئ
في طريقها للمنزل عائدة من عملها تجلس في الميكروباص وخلفها سيدتان
= ياختي دي البت بقت مذلوله عشان عملت التحاليل وطلعت مبتخلفش مش كان سابها بدل ما يطلقها واتجوز عليها عادي
السيدة الاخري مدافعه عن الرجل " هو يعني هيقدر يفتح بيتين يلا تاخد حد كبير بقي او حد زيها
الاخري متجاوبة معها " فعلا عندك حق هو يعني الرجاله مخلصين اوي
الاخري مؤكده " هو فيه راجل أصلا بيبكي علي واحده ست
لفتت انتباه حبيبة كلمة " راجل بيبكي علي واحده ست " وتذكرت والدتها فهي دائما ما ترددها امامها لتخرجها من عالمها المثالي وخيالها الافلاطوني وتسرد امامها دائما حكاية الرجل الذي تزوج بعد وفاة زوجته باسبوع وايضا الذي ترك زوجته طريحة اسيرة السرطان وتزج عليها وغيره وغيره ...
وعلي العكس تماما تحمل المراة الرجل اذا كان هو لا ينجب تحزن عليه بقية حياتها اذا تركها حتي لو كانت في عز شبابها
ماهو مدي اخلاص الرجل ؟ وما .......
الفرحه التي لمعت في عيون حبيبه عندما سمعت صوت الموبايل هي ايمان منها ان المتصل حسام فكما ميزته في حياتها ميزته برنة خاصه له
= الو
= حبيبة ازيك أخبارك ايه وحشتيني
= ازيك انت ياحسام اخبارك ايه
= انا تمام مش هشوفك مش نازله الكليه قريب
= لا انا نازله بكره ان شاء الله
قرار لم يأخذ ثانية واحده للتفكير فاحتياجها لحسام احتياج لن يشعر به الا من قرر أن يجعل دنيته شخص واحد مع انه ليس لها
خلاص يبقي بكره اشوفك اكيد
=اكيد
انتهت المكالمه كغيرها من المكالمات الكثيرة ترتاح حبيبه بعدها وترتاح اكثر لكلمة "وحشتيني " مع انها تعلم تماما انه لم يقصد شئ سوي الإطمئنان عليها وتعلم تماما انه مرتبط بغيرها ولكنه يجد راحه في الحديث معها وهي كذلك تجد الراحه في الحديث معه تشعر انها تشبهه كثيرا ولكن ليس كل من يشبهنا يرغب بنا
تنتبه حبيبه بعدها للطريق ثم تردد
= معاك هنا لو سمحت
تنزل من السيارة لتجد امام البيت والدتها تقف مع جارتها لتواسيها في طلاق ابنتها التي تركها زوجها لانها لاتنجب باحثا عن اخري لتتذكر سؤالها ماهو مدي اخلاص الرجل ؟؟

لم تنتهي
يتبع
من مشاعر حبيبة
رانيا الجبالي

اوقات

اوقات لما بمل واضعف واخاف
والاقي نفسي لوحدي واضيع
وانتفض مع ان قلبي مش خواف
ولاعمره كان لوعد او لحد يبيع
والاقي مفيش من الناس انصاف
ارفع ايدي لفوق وابكي ياسميع

انت ارحم انت اكرم انت الانصاف
ويقيني بيك انك مش هتسبني اضيع

رانيا الجبالي

بين السطور

كلمات بين السطور قريتها حد كاتبها زعلت جدا منها لكن فكرت ازاي كان فيه احترام حتي للشخص اللي كاتب الكلام ده علي العموم احساسنا عمره ما كان بايدينا وبرضو مشاعرنا مبنحسهاش لوحدنا ولو اي انسان فكر انه يجيب اللوم علي غيره ويحمله مسئولية خطأ هو شارك فيه اي كان الخطأ ده فانا بقوله حسبي الله ونعم الوكيل

  :)

طول ما ظنك ف ربك جميل
مفيش حاجه اسمها مستحيل
حزين ويائس وتاه منك الدليل
علي صوتك حسها وقولها
حسبي الله ونعم الوكيل

صور جوايا

  

بدل ما أقول من الوجع آه
هقول برضا وحب الحمد لله
وجعي كلها وقت والاقي دواه
عيني بقي علي اللي وجعه معشش جواه

 

ادعي بالخير لحد ما تعرفوش
ادعي لكل المظلومين
عشان لما القريب متلاقيهوش
دعوة الغريب ليك تعين

 

مش زعلانه
أنا بس مضايقه
مش تعبانه
أنا بس مش فايقه
أنا إنسانه
وتعبت من الخنقه
مش بطرانه
وعمري ما قلت لأه
أنا زهقانه
وحساها مش فارقه

 

لو اتنسيت من حد وسابني 
وكان بينا وعد وخاني
مش عيب فيه او عليه
العيب هو حسن ظني

 

 

الاحساس اكبر من اني اوصفه 
يمكن مخلي ايدي بعيده عن قلمي
وقلبي مستني مني اني انصفه
لكني عاجزه ابعد عنه ألمي

  

مش لاقيه للحزن ابدا حدود
ولا عارفه الفرح فين موجود
وشايفه الناس بوشوش عيره
محتاره دول كلاب ولا اسود

رانيا الجبالي 

كما تدين تداااان

في طفولتها خطوتها كانت بطيئة وفي اكثر الاوقات كان يحملها ابيها لتلعب بسرعه وتمشي بسرعه وتفعل كل شئ بسرعه الآن هو لا يقدر علي الحركه بسرعه فإذا كانت خلفه اخرجت من فمها "يووووه عاوزه اعدي " مع انه لا يتباطئ في المشي ولكن ما يحكمه هو عمره فعل معها الكثير ولكنها لاتقدر
في طفولتها حينما تركوها تاكل بمفردها بعثرت الطعام هنا وهناك ولم يتركوا الطعام ويتركوها تاكل بمفردها ولم يغمضوا عينيهم او يشمئزوا من وضعها
الآن هو ياكل ويقع منه بعض الطعام بالطبع ليس كما كانت تفعل في طفولتها ولكن لان يده لم تعد متماسكه كما كانت لتقف فجأة وتترك الطعام لتاكل بمفردها او تمتنع عن جمع بقايا الطعام من جواره
في طفولتها كانت تفعل كل شئ بدون خجل وكان هو يحميها ويأكل من فمها الطعام لانه ابيها اما الآن فهي لم تتحمل له اشياء يفعلها بحكم السن
تذكر سيأتي اليوم عليك وستكون مثله وستجد من يشمئز منك ولا يتقبلك فأفعل ما شئت كما تدين تداااان

رانيا الجبالي 

أعلم بأني مذنب لكنك مني بذنبي ياإلهي أعلم

مشاعر منسوبة

حبيبه هتحضري محاضرات النهارده
" لا يامي أنا هتمشي شويه وهروح بعدها
في الطريق التي تسيرفيه دائما ، الزحمه التي تعشقها تعودت أن لا تتحدث وهي سائرة في الطريق مع أحد فتتحدث بعينها تنظر لكل من حولها وتجيب بعينها ولكنها هذه المره قررت أن تتحرر من القيود التي فرضتها علي نفسها لتجد نفسها فجأة واقفه أمام طفل يجلس بجوار شجرة علي الطريق انحنت انحناءة بسيطه لتسأله " أزيك "
استخدم الطفل أسلوبها فأجاب بعينيه ولكن إجابته لم ترضيها فجلست بجواره علي الأرض ليبتعد قليلا فتجد نفسها تسأله " أنت خايف مني "
الصمت يظل سيد الموقف لدقائق بعدها يسترخي الطفل أكثر علي الشجره ويقطع الصمت قائلا " وبعد مااحكي معاكي ايه هيحصل ؟ مشكلتي هتتحل أكيد لا "
اندهشت حبيبه لفتره الكلام لايمكن أن يخرج عن طفل لم يتعدي العاشرة " ولكنها في نفسها قالت ماذا سيحدث بعد المحادثه ستشعر بضعفها بجوار مشكلته وسيشعر هو الآخر بمأساته ولكنها قررت هذه المره أن تسمع منه
" طيب أنا مش عاوزه اعرف حكايه بس نتعرف أنا حبيبه وأنت ؟
لمعت الدموع في عينيه " بيقولوا محمد "
نظرت له بدهشه شديده " بيقولوا !!!!
صمت للحظه ثم قال " شفتي من أول سؤال معرفتش أجاوب مش مشكلتي اني معرفش اسمي مين جابني إيه أصلي كنت عايش في بيت ولا شارع "
لم تستطع حبيبه أن تكمل الحوار تخيلت للحظه كيف لحوار أن يبدأ بدون تعارف بدون أسماء تذكرت كل مشكلات صديقاتها منهم من تركها حبيبها لضعفها او لقوتها ليأسها او لطريقتها منهم من تعاملت بمنطق السذاجه والأمان مع شخص كان في النهايه لايريد سوي أن تحبه وبعدها يتركها منهم ومنهم ومنهم صرخت حبيبه بأعلي صوتها " هو مش ابن حرام " مش ذنبه ان ناس مش بتحبه ولا بتحب بعضها انها غلطت مش ذنبه ان ناس كل همها حبها لنفسها جابته وسبته مش ذنبه انه في الشارع ليه نبصله علي انه ابن حرام او لقيط ياااااااااااه لو حد فينا في نفس مكانه طب ازاي ازاي اللي جابوه كانوا بيحبوا بعض لو فكروا يعني ايه كلمة حب أكيد مصيره مش هيبقي الشارع الحب أسمي من الرغبه الحب يعني احب غيري أفكر في اللي جاي عشان غيري مش عشاني مصيره ايه اللي بيقولوا عليه محمد هو وغيره ياتري هنتعامل معاه ازاي ؟ ياتري هنسميه ايه ؟ ياتري هيفضل الحب في نظرنا حب الذات والإمتلاك لحد امتي ياتري ياتري
أسئله كثيره لم تجد لها حبيبه اجابه ولم تفعل لمن أسموه محمد شيئا سوي انهاء التعارف من بدايته

رانيا الجبالي 

انا مستغربني

انا مستغربني

أنا ايه اللي تاعبني

إني ساعات بشوف نفسي

غيري

يعني بعيده عني

طب وازاي تسكنني

روحي وتحضني

وانا ضايعه منها

دا انا ضايعه مني

ازاي هسمعني

وانا صوتي فارقني

ولو اتكلمت مين يفهمني

من غير صوت

ازاي تصاحبني

وازاي تعاتبني

وازاي تكون

عن روحي ساكني

ازااااااااااي جاوبني ؟ !!!!

أيها المنتقب

أيها المنتقب

لفعلي فيك ارتقب

انا الفتاة لوجهي تري

ووجهك مغطي ببرقع الكذب

قلبي كان للحب لايقترب

وانت من ناديته

واخذته من عالمه المغترب

ووضعته بين يديك للعب

فارتقب

ستري بعينيك قلبك ملتهب

وستكون للحزن دائما مصطحب

ووقتها لن افرح فقط

بل سألهو علي قلبك الملتهب

وسأجعل منك رجل مضطرب

في دفاتر السماء قد كتب

أن عبدا قد ظلم عبدا وكذب

واحتسابي لظلمك عند ربي

فأنا في كل وقت احتسب

أيها المنتقب

فقط ارتقب

رانيا الجبالي 

مشاعر مطلوبة

احيانا أشعر أن من حولي أحجارا أخشي عليهم من الكسر وهم يدقون بعنف علي قلبي وعقلي "

كلمات دائما ما تكتبها حبيبه

مرت بأيام لم تمربها طوال حياتها ولكنها استفادت منها كثيرا

فالانسان لا يشعر بطعم الفرح الا اذا ذاق مرارة الجرح

ولا يشعر بمعني الامل الا اذا مر بمرحله اليأس

ولا يدرك ان هناك اناس لابد أن يعطي لهم الاامان الا اذا قابل اناس بدون مشاعر

أن ترفع يدك للسماء وتنادي يارب ودموعك قد غطت وجهك حتي لو مكثت لفتره تقول يارب وتخرج بهذه الكلمه كل ما تشعر به من حزن ستجد بعدها راحه كبيره

حبيبه تنظر من فوق سطح منزلها علي الاشجار التي تحيط بمنزلها لتجد عصفورا قد اتي بحب أرز في فمه وعندما مكث علي فرع الشجره وقعت منعه علي الارض بحث عنها كثيرا تحت الشجره ولكنه لم يعثر عليها فذهب ليأتي بغيرها وجاء عصفور اخر وبالصدفه وجد هذه الحبه

ابتسمت حبيبه ورددت سبحان الله يدير الكون بمشيئته وحكمته

اراد للعصفور انا يذهب الي رحله اخري ليجد حبه ارز اخري ليتمتع برحلته مره اخري ليحلق سعيدا ليشعر اكثر بالجوع ليحمد الله بعدها واراد لعصفور اخر ان يجد الحبه ويأكلها بعد ما تعب في بحثه عن طعام ولم يجد

ذهبت حبيبه بخيالها وقالت حبة الارز تمثل للعصفور طعام يغنيه من الجوع

واحساسي بالرضا هو حبة الارز ويغنيني عن الحزن

دائما ما كنت اردد الرضا ولا اعي معناها تماما ولكن الان الرضا هو أن افقد حبة الارز واذهب بعيدا لآتي بغيرها ويأتي عصفور آخر يجد حبة الارز ويأكلها ليشبع

فهذه انا سخرها الله لكي أعطي غيري حتي ولو ابتسامه خفيفه حتي ولو أمل لبعض الوقت

ما أجمله من إحساس حينما تجد نفسك تحافظ علي مشاعر غيرك حتي لو هم عكس ذلك

ما ألذ السعاده لو كانت علي شفاه غيرك قبل شفاهك ما اجمل أن تري ابتسامتك علي وجه غيرك أن تؤمن من داخلك بأن سعادتك  في اسعاد غيرك

حبيبه تركت السطح وذهبت الي حجرتها متأمله كلماتها المكتوبه علي ورقه صغيره

" ما أجمل ان تحافظ علي الأحجار من الكسر وتحتويهم داخل قلبك وعقلك حتي يتوقفوا عن الدق

 

 

                                                                                                                                رانيا الجبالي 

الحمد لله

لو الظروف مش معاك متزعلش
اصل الحياه مش هتقف لا هتمشي
بس عارف لو سجدت وبكيت
هتحس براحه وسعاده متتقدرشي

ساعات الكلام بيقف مني
وانا واقف بين ايدين الرحمن
والاقي دموعي عبرت عني
وارتحت بعدها وحسيت بأمان

متزعلش ياصاحبي هيجي يوم
ويتحقق كل ما بتتمني
وهدعيلك تزيل من علي قلبك الهموم
ونتقابل كلنا سوا ف الجنه

رانيا الجبالي 

يااااااااااااه

ياااااااه
لما تبقي ف عز حنقتك
ومش قادر تقول اااااه
لما تتوه منك سكتك
وغصب عنك تعيش الحياه

يااااه
لما تتمني تجيلك غيبوبه
وتنام ومتحسش بالكون حواليك
بس للأسف دي حياة ومكتوبة
ومفيش حاجه تعملها ف ايديك

يااااه
لما يوحشك حد بتحبه
وغصب عنك تحن ليه
بس للأسف مفيش ف قلبه
مكان ليك تسكن فيه

يااااااه
لما تبقي الضحكه وحشاك
ومش عارف طريقها فين
والف دمعه عنها حايشاك
وقلبك مش راحمك من الآنين
يااااااااه

رانيا الجبالي

قالولي صاحبك

قالولي صاحبك وخانك ووقع فيك
وبيحسب كدبه مش هيبان ليك
وجاي يتقرب منك وياخد امان
وبأي وش راجع تاني يناديك

ضحكت ضحكه ارتحت فيها 
دي حاجات متعود منه عليها
هو يكدب ويرجع لحضني
حاجات مريضه جواه وبيداوها

يعني هعمل ايه لواحد تعبان
عقله عقل عصفور براس انسان
ووقت الجد تلاقيه منك هربان
ويحطك تحته ف اي طوفان

سيبته جوه ظنه بيه فرحان
وشيلته بره دايرة حياتي من زمان
يكدب ويخدع ويقول كلاام ويتعذب
لأنه عارف اني صح وانه جبان

اراجوز

 جيبتلي صاحب وحبيته

زقنى فى المترو زقيته
واما مات فيا ومت انا فيه
روحتله بيته وعزيته !!
حزن يا بقال ورا الجامع
هات بنص ريال عسل فى الكوز
دة اللى كان عيل بقى شاعر
واللى كان ضاحك بقى أراجوز

حبنى الشارع وحبيته
عض قلبى الليل وعضيته
خضنى الأنسان وخضيته
لما بان من وشه عفاريته

عدى فيا القمح سمرنى
عدى فيا الفجر صبرنى
عدى فيا الحزن غيرنى
عدى فيا العمر كبرنى
خدنى م اللفة لمريلتى
خدنى م التسنين لحصالتى
خدنى من مدرستى ع الجامعه
خدنى م الترعة على الاسفلت

خدت م الاتوبيس مراياته
خدت م السواق حكاياته
خدت م الركاب تذاكر موت

حزن يا بقال ورا الجامع
هات بنص ريال عسل فى الكوز
دة اللى كان عيل بقى شاعر
واللى كان ضاحك بقى أراجوز
ياللى وحشانى متوحشنيش
ضحكك السكر محلانيش
خوفت م المطرة قفلت الشيش
ليه فضل اسمك على الشباك

كنت جايب دبلة وغويشه
كنت شارب حاجه مغشوشه
شفت شبهك قاعده فى الكوشه
قلت هى لا مش هى
فتشتنى الدمعه عن الميه
كنت أنشف من حطب محروق

حزن يا محول خطوط سيرى
حزن يا عطار فى باب اللوق
شوفلى تحويجه لتفسيرى
حط ريحه بُن لضميرى
شوفلى عود أصلب من المغشوش
حزن يا بقال ورا الجامع
هات بنص ريال عسل فى الكوز
دة اللى كان عيل بقى شاعر
واللى كان ضاحك بقى أراجوز

ردنى عالباب عطب روحى
جابلى ناى وزتونه مطروحى

جيبت لي صاحب وحبيته
زقنى فى المنرو زقيته
واما مات فيا ومت انا فيه
روحتله بيته وعزيته

ردنى عالباب عطب روحى
جابلى ناى وزتون مطروحى

مُر انا يا صاحبى لو دوقتنى
جيت اقول الآه ما صدقتنى
يطرح ايه الملح غير مالح
يطلع ايه م الجرح غير مجروح

ليه ما تصفاشى لغير صافى
ليه فى عز الحوجه بتجافى
شوفتنى غاطس ولا طافى
كنت بندهلك حلاوة روح

حزن يا بقال ورا الجامع
هات بنص ريال عسل فى الكوز
خد سنين الجرى وسنينى
هاتلى سن غزال دهب عينى
قطع الاسفلت شرايينى
هات بياض القطن شاش اللوز

حزن يا بقال ورا الجامع
هات بنص ريال عسل فى الكوز
دة اللى كان عيل بقى شاعر
واللى كان ضاحك بقى أراجوز

بس عشته

انا عمري ما حبيت اليأس بس عشته
وعمري ما حسيت الفرح ولا دقته
انا الاسير اللي جواه حر ساكت
احلامه يأست منه ومن صمته

يمكن اكون بصفي بكلمه قريبه
او حتي نظره خارجه بحنيه
ده يمكن انسي احزاني بطبطه
خارجه من قلب يكون خايف عليه

انا اللي قلبي عايش توهانه
محتار بيدق ولا نبضه مات
انا ف مكان مش عارف عنوانه
ومش لاقي حل ويا السكات

كمان بقيت الاقي الكلام ساكت
قولته او لا مبقاش فيه تغيير
حتي روحي جوايا حساها شابت
بعد ماكنت بحلم ف يوم أطير

ياجرح جوه قلبي شايفاك متبت
قولي علي دواك وسبني اعيش
او خلص عليه ويبقي اسمي ميت
ماهي كده كده الحياه عندي متساويش 

رانيا الجبالي                                                                                                                               

نفسى اتوب انا من الذنوب

داين تدااااااان

اللي يبيع حد عشان راحته
يبقي جبان
واللي يغلط فيك بعد ما سامحته
مش انسان
واللي ضحك عليك بعد ما سمعته
اكيد خوان
سيبك انت المهم اي قلب انت طمنته
يدعيلك بالأمان
وخليك فاكر ف كل اللي عشته
كلمتين " داين تدان "

رانيا الجبالي 

مش ثورة

 

ده اندفاع مش ثوره
ناس حابه تبين مصر عوره
لو معتصم ارجع ميدانك
واصرخ بعلو صوتك مصر حره

من غير ما تحسب او تفكر
اهتف ونادي يسقط العسكر
لكن تهد فيها ادام وزاره بتحميها
يبقي انت رايح عشان  تدمر

انا ضد ان دمك يسيل
او حد بايديك يصبح قتيل
انا مع الحق اللي ضايع
ومحتاج تكون له انت الدليل

 
رانيا الجبالي