مشاعر مهجورة 3
أنا زي الناس مش ملاك
ربنا خالقني عشان غيري
خالقني عشان أكون معاك
اشوف شرك وتشوف خيري
انت اخترت تعيش وبس
وانا اخترت اعيش لغيري
انت اخترت تكون لك دنيا
وانا اخترت الاخره مصيري
أوقات بحسها مفيهاش غير حاجات كئيبه
افتكر كل اللي حواليه واحس بخيبه
واصرخ بعلو صوتي انا مش لعبه
عشان تلعبوا بأحلامي ولا أنتم لعيبه
أنا أقوي منكم بس ضعفي طيبه
سكاتي مش رضا عنكم وعن الكلام
سكاتي عشان ما اتعودتش تطلع مني عيبه ...
احساس خنقة وفاق الحد
وكأن كيان جوايا واتهد
والدنيا ضاقت اكتر ماهي
وبقي بيني وبين الفرحه سد
يعني خلاص كده نسيني
طب اعمل ايه في حنيني
نفسي اشوفك ادامي واقولك
وحشتني منك كلمة وحشتيني
طب عامل ايه طمني
من غيري عايش متهني
ولا حياتك ناقصها قلبي
ولا ارتحت في بعدك عني ؟
ياقلبي كل ما بسكتك
وبين ضلوعي بثبتك
وبحاول اخد من قوتي
وارجعلك تاني قوتك
الاقي عيني دمعت
وروحي ليه ودعت
وحنينك لسه جواك
وجراحي للناس سمعت
ياقلبي حاول ترضي
عشان جواك يفضي
واخد منك قوتي
واعيش حياتي وارضي
رانيا الجبالي
ليست هناك تعليقات:
إرسال تعليق