..............
انا زعلانه وفرحانه
مبسوطة ومضايقه
مرتاحه وتعبانه
وهموت من الخنقة
سكت ومبقتش اتكلم
تعبت ومبقتش ارتاح
فرحت ومبقتش اتألم
جرحت ومبقولش سماح
عفريت جوايا بيتنطط
مع اني صلاتي بصليها
احلامي جوايا بتتخبط
وبقالي زمان برتب فيها
انا مضايقه بوش بيضحك
ومبسوطه وفي عيني دموع
انا مش قادره اني اسامحك
وقلبي بيظلم وبقول مخدوع
بحب الناس وساعات انانيه
فيهم امان والغدر اكتر
بغلط وبرمي غلطي علي النيه
ودايما قلقانه بس بصبر
انا زعلانه وفرحانه
مبسوطة ومضايقه
مرتاحه وتعبانه
وهموت من الخنقة
rania
ليست هناك تعليقات:
إرسال تعليق